be-dili kya yunhi din guzar jaeinge

sirf zinda rahe ham to mar jaenge

بے دلی کیا یوں ہی دن گزر جائیں گے

صرف زندہ رہے ہم تو مر جائیں گے

raqs hai rang par rang ham-raqs hain

sab bichhad jaenge sab bikhar jaenge

رقص ہے رنگ پر رنگ ہم رقص ہیں

سب بچھڑ جائیں گے سب بکھر جائیں گے

ye kharabatiyan-e-khirad-bakhta

subh hote hi sab kaam par jaenge

یہ خراباتیان خرد باختہ

صبح ہوتے ہی سب کام پر جائیں گے

kitni dilkash ho tum kitna dil-ju huun main

kya sitam hai ki ham log mar jaenge

کتنی دل کش ہو تم کتنا دلجو ہوں میں

کیا ستم ہے کہ ہم لوگ مر جائیں گے

hai ghanimat ki asrar-e-hasti se ham

be-khabar aae hain be-khabar jaenge

ہے غنیمت کہ اسرار ہستی سے ہم

بے خبر آئے ہیں بے خبر جائیں گے