Dasht Tanhai Mein Kal Raat Hawa Kaise Thi
dasht-e-tanhai mein kal raat hawa kaisi thi
der tak tutte lamhon ki sada kaisi thi
دشت تنہائی میں کل رات ہوا کیسی تھی
دیر تک ٹوٹتے لمحوں کی صدا کیسی تھی
zindagi ne mera pichha nahin chhoda ab tak
umr bhar sar se na utri ye bala kaisi thi
زندگی نے مرا پیچھا نہیں چھوڑا اب تک
عمر بھر سر سے نہ اتری یہ بلا کیسی تھی
sunte rahte the mohabbat ke fasane kya kya
bund bhar dil pe na barsi ye ghata kaisi thi
سنتے رہتے تھے محبت کے فسانے کیا کیا
بوند بھر دل پہ نہ برسی یہ گھٹا کیسی تھی
kya mila faisla-e-tark-e-talluq kar ke
tum jo bichhde the to honton pe dua kaisi thi
کیا ملا فیصلۂ ترک تعلق کر کے
تم جو بچھڑے تھے تو ہونٹوں پہ دعا کیسی تھی
tut kar khud jo wo bikhra hai to malum hua
jis se lipta tha wo diwar-e-ana kaisi thi
ٹوٹ کر خود جو وہ بکھرا ہے تو معلوم ہوا
جس سے لپٹا تھا وہ دیوار انا کیسی تھی
jism se noch ke phenki bhi to khushbu na gai
ye riwayat ki bosida qaba kaisi thi
جسم سے نوچ کے پھینکی بھی تو خوشبو نہ گئی
یہ روایات کی بوسیدہ قبا کیسی تھی
dubte waqt bhanwar puchh raha hai ‘qaisar’
jab kinare se chale the to faza kaisi thi
ڈوبتے وقت بھنور پوچھ رہا ہے قیصرؔ
جب کنارے سے چلے تھے تو فضا کیسی تھی
Hum Ne Be-Parda Tujhe Ae Mah-Jabeen Dekh Liya
Jeenay Ke Haq Mein Aakhri Taweel Di Gai – Urdu Poetry
Kisi Ko Ghar Mila Hisse Mein Ya Koi Dukaan Aai – Munawwar Rana
Ishq Ki Barish Mein Mat Bheego , Pachtaogy | Urdu Poetry
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO
