Ek Lafz-E-Mohabbat Ka Adna Ye Fasana Hai
Jigar Muradabadi Poetry
Ek lafz-e-mohabbat ka adna yeh fasana hai
simte to dil-e-aashiq phaile to zamana hai
اک لفظِ محبت کا ادنیٰ یہ فسانہ ہے
سمٹے تو دلِ عاشق، پھیلے تو زمانہ ہے
Ye kis ka tasavvur hai ye kis ka fasana hai
jo ashk hai ankhon mein tasbeeh ka dana hai
یہ کِس کا تصوّر ہے، یہ کِس کا فسانہ ہے
جو اشک ہے آنکھوں میں، تسبیح کا دانہ ہے
dil sang-e-malamat ka har-chand nishana hai
dil phir bhi mera dil hai dil hi to zamana hai
دل سنگِ ملامت کا ہرچند نشانہ ہے
دل پھر بھی مرا دل ہے، دل ہی تو زمانہ ہے
Ham ishq ke maaron ka itna hi fasana hai
rone ko nahin koyi hansne ko zamana hai
ہم عشق کے ماروں کا اتنا ہی فسانہ ہے
رونے کو نہیں کوئی، ہنسنے کو زمانہ ہے
Wo aur wafa dushman maaneige na mana hai
sab dil ki sharaarat hai ankhon ka bahana hai
وہ اور وفا دشمن، مانیں گے نہ مانا ہے
سب دل کی شرارت ہے، آنکھوں کا بہانہ ہے
jo un pe guzarti hai kis ne use jaana hai
apni hi musibat hai apna hi fasana hai
جو اُن پہ گزرتی ہے، کس نے اُسے جانا ہے
اپنی ہی مصیبت ہے، اپنا ہی فسانہ ہے
Wo husn-o-jamaal un ka ye ishq-o-shabaab apna
jeene ki tamannaa hai marne ka zamana hai
یہ حُسن وجمال اُن کا، یہ عشق وشباب اپنا
جینے کی تمنّا ہے، مرنے کا زمانہ ہے
Ashkon ke tabassum mein aahon ke tarannum mein
masoom mohabbat ka masoom fasana hai
اشکوں کے تبسّم میں، آہوں کے ترنّم میں
معصوم محبت کا معصوم فسانہ ہے
Ankhon mein nami si hai chup-chup se wo baithe hain
nazuk si nigaahon mein nazuk sa fasaana hai
آنکھوں میں نمی سی ہے چُپ چُپ سے وہ بیٹھے ہیں
نازک سی نگاہوں میں نازک سا فسانہ ہے
Ay ishq-e-junoon-pesha haan ishq-e-junoon-pesha
aaj ek sitamagar ko hans hans ke rulaana hai
اے عشق جنوں پیشہ! ہاں عشق جنوں پیشہ
آج ایک ستمگر کو ہنس ہنس کے رُلانا ہے
Ye ishq nahi aasaan itna to samajh leejiye
ek aag ka dariya hai aur doob ke jaana hai
یہ عشق نہیں آساں، اتنا ہی سمجھ لیجئے
اک آگ کا دریا ہے اور ڈوب کے جانا ہے
Aansu to bahot se hain ankhon mein ‘Jigar’ lekin
bandh jaaye so moti hai reh jaaye so daana hai
آنسو تو بہت سے ہیں آنکھوں میں جگر لیکن
بندھ جائے سو موتی ہے، رہ جائے سو دانا ہے
