Hazaaron Khwahishen Aisi – Mirza Ghalib Ghazal (Full)
ہزاروں خواہشیں ایسی کہ ہر خواہش پہ دم نکلے – مرزا غالب
hazaaron khwahishen aisi ke har khwahish pe dam nikle
buhat niklay mery arman lekin phir bhi kam niklay
ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے
Daray kiyun mera qatil kiya rahay ga us ki garden per
Wo khoon jo chashm e tar say umar bhar youn dam ba dam niklay
ڈرے کیوں میرا قاتل کیا رہے گا اُس کی گردن پر
وہ خوں، جو چشم تر سے عمر بھر یوں دم بہ دم نکلے؟
Nikalna khuld say adam ka suntay aaye hain lekin
Buhat bay abroo ho kar teray kochay say ham niklay
نکلنا خلد سے آدم کا سنتے آئے ہیں لیکن
بہت بے آبرُو ہو کر ترے کوچے سے ہم نکلے
Bharam khul jaye zalim tery qamat ki darazi ka
Agar iss turra pur pech o kham ka pech o kham niklay
بھرم کھل جائے ظالم تیرے قامت کی درازی کا
اگر اس طرۂ پرپیچ و خم کا پیچ و خم نکلے
Magar likhwaye koi iss ko khat tu ham say likhwaye
Hui subah aur ghar say kan per rakh kar qalam niklay
مگر لکھوائے کوئی اُس کو خط تو ہم سے لکھوائے
ہوئی صبح اور گھر سے کان پر رکھ کر قلم نکلے
Hui iss daur main mansoob mujh say bada aashami
Phir aaya wo zamana jo jahan main jam-e-jaam niklay
ہوئی اِس دور میں منسُوب مُجھ سے بادہ آشامی
پھر آیا وہ زمانہ جو جہاں میں جامِ جم نکلے
Hui jin say tawaqa-e-khastagi ki daad panay ki
Wo haam say bhi ziyada khasta tegh sitam niklay
ہوئی جن سے توقع خستگی کی داد پانے کی
وہ ہم سے بھی زیادہ خستۂ تیغِ سِتم نکلے
Muhabbat main nahi hai farq jeenay aur marnay ka
Issi ko dekh kar jeetay hain jis kafir pay daam niklay
محبت میں نہیں ہے فرق جینے اور مرنے کا
اُسی کو دیکھ کر جیتے ہیں، جس کافر پہ دم نکلے
Kahan mae-khana ka darwaza ghalib aur kahan waaiz
Per itna jantay hain kal wo jata tha keh ham niklay
کہاں میخانے کا دروازہ غالب! اور کہاں واعظ
پر اِتنا جانتے ہیں، کل وہ جاتا تھا کہ ہم نکلے
Read More:
Dil-e-Nadan Tujhe Hua Kya Hai – Mirza Ghalib Ghazal
