Rakhna Hai to Phulon Ko Tu Rakh Le Nigahon Mein
rakhna hai to phulon ko tu rakh le nigahon mein
KHushbu to musafir hai kho jaegi rahon mein
kyun meri mohabbat se barham ho zamin walo
ek aur gunah rakh lo duniya ke gunahon mein
kaifiyat-e-mai dil ka darman na hui lekin
rangin to rahi duniya kuchh der nigahon mein
kanTon se guzar jaana dushwar nahin lekin
kanTe hi nahin yaro kaliyan bhi hain rahon mein
parda ho to parda ho is parde ko kya kahiye
chhupte hain nigahon se rahte hain nigahon mein
yaran-e-rah-e-ghurbat kya ho gae kya kahiye
kuchh so gae manzil par kuchh kho gae rahon mein
guzri hui sadiyon ko aaghaz-e-safar samjho
mazi abhi kam-sin hai farda ki nigahon mein
rangin hai ‘shamim’ ab tak pairahan-e-jaan apna
hum raat guzar aae kis KHwab ki banhon mein
رکھنا ہے تو پھولوں کو تو رکھ لے نگاہوں میں
خوشبو تو مسافر ہے کھو جائے گی راہوں میں
کیوں میری محبت سے برہم ہو زمیں والو
اک اور گنہ رکھ لو دنیا کے گناہوں میں
کیفیت مے دل کا درماں نہ ہوئی لیکن
رنگیں تو رہی دنیا کچھ دیر نگاہوں میں
کانٹوں سے گزر جانا دشوار نہیں لیکن
کانٹے ہی نہیں یارو کلیاں بھی ہیں راہوں میں
پردہ ہو تو پردہ ہو اس پردہ کو کیا کہئے
چھپتے ہیں نگاہوں سے رہتے ہیں نگاہوں میں
یاران رہ غربت کیا ہو گئے کیا کہئے
کچھ سو گئے منزل پر کچھ کھو گئے راہوں میں
گزری ہوئی صدیوں کو آغاز سفر سمجھو
ماضی ابھی کمسن ہے فردا کی نگاہوں میں
رنگیں ہے شمیمؔ اب تک پیراہن جاں اپنا
ہم رات گزار آئے کس خواب کی بانہوں میں
شمیم کرہانی
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO
