Tum Mera Dukh Baant Rahi Ho Main Dil Mein Sharminda Hoon
Jaun Elia Poetry
Tum Mera Dukh Baant Rahi Ho Main Dil Mein Sharminda Hoon
Apnay Jhootay Dukh Se Tum Ko Kab Tak Dukh Pohanchaun Ga
Tum To Wafa Mein Sar Gardaan Ho, Shauq Mein Raqsan Rehti Ho
Mujh Ko Zawal.e.Shauq Ka Gham Hai, Main Pagal Ho Jaon Ga
Jeet K Mujh Ko Khush Mat Hona Main To Ik Pachtawa Hoon
Kho’oun Ga, Kurhta Hi Rahoon Ga, Paun Ga , Pachtaun Ga
Ehad.e.Rafaaqat Theek Hai Lekin, Mujh Ko Aisa Lagta Hai
Tum To Meray Saath Raho Gi , Main Tanha Reh Jaon Ga
Sham Ko Aksar Baithay Baithay Dil Kuch Doobne Lagta Hai
Tum Mujh Ko Itna Mat Chaho, Main Shayad Mar Jaon Ga
Ishq Kisi Manzil Mein Aa Ker Itna Bhi Be Fikar Na Ho
Ab Bistar Per Laitoon Ga Main, Lait’tay Hi So Jaon Ga
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO