Aur Tou Koi Bas Na Chalega Hijr Ke Dard Ke Maron Ka
Ibn e Insha Shayari Collection
aur tou koi bas na chalega hijr ke dard ke maron ka
subh ka hona dubhar kar den rasta rok sitaron ka
اور تو کوئی بس نہ چلے گا ہجر کے درد کے ماروں کا
صبح کا ہونا دوبھر کر دیں رستہ روک ستاروں کا
jhoote sikkon mein bhi utha dete hain ye aksar sachcha mal
shaklen dekh ke saude karna kaam hai in banjaron ka
جھوٹے سکوں میں بھی اٹھا دیتے ہیں یہ اکثر سچا مال
شکلیں دیکھ کے سودے کرنا کام ہے ان بنجاروں کا
apni zaban se kuch na kahenge chup hi rahenge aashiq log
tum se to itna ho sakta hai puchho haal bechaaron ka
اپنی زباں سے کچھ نہ کہیں گے چپ ہی رہیں گے عاشق لوگ
تم سے تو اتنا ہو سکتا ہے پوچھو حال بیچاروں کا
jis jipsi ka zikr hai tum se dil ko usi ki khoj rahi
yun to hamare shahr mein aksar mela laga nigaron ka
جس جپسی کا ذکر ہے تم سے دل کو اسی کی کھوج رہی
یوں تو ہمارے شہر میں اکثر میلا لگا نگاروں کا
ek zara si baat thi jis ka charcha pahuncha gali gali
hum gumnamon ne phir bhi ehsan na mana yaron ka
ایک ذرا سی بات تھی جس کا چرچا پہنچا گلی گلی
ہم گمناموں نے پھر بھی احسان نہ مانا یاروں کا
dard ka kahna chikh hi utho dil ka kahna waza nibhao
sab kuchh sahna chup chup rahna kaam hai izzat-daron ka
درد کا کہنا چیخ ہی اٹھو دل کا کہنا وضع نبھاؤ
سب کچھ سہنا چپ چپ رہنا کام ہے عزت داروں کا
‘insha’ ji ab ajnabiyon mein chain se baqi umr kate
jin ki KHatir basti chhoDi nam na lo un pyaron ka
انشاؔ جی اب اجنبیوں میں چین سے باقی عمر کٹے
جن کی خاطر بستی چھوڑی نام نہ لو ان پیاروں کا
Sabko Dil Ke Daag Dikhaye – Ibn e Insha Shayari – Urdu Poetry
Kal Chaudhavin Ki Raat Thi Shab Bhar Raha Charcha Tera – Ibn e Insha
